Departamento di Aduana ta launch su website nobo den compania di Minister di Finansas, Director, Management Team y empleadonan y di e forma aki ta pone enfasis riba e importancia di innovación y communicacion. Innovacion y comunicacion ta dos elemento hopi necesario den e mundo moderno cu nos ta bibando y hasi negoshi. Den cuadro di e dos elemento aki Departamento di Aduana ta lansa su website nobo www.douane.aw.

Departamento di Aduana ta invita pueblo completo di Aruba pa bishita su website moderno. E website nobo a wordo diseña pa ofrece un experiencia “user friendly”, cu mihor funcionalidad unda e usuario por nabega mihor y haña e informacion cu e ta buska sin cu e ta perde den un “jungle di informacion”.

E website nobo ta inclui informacion tanto pa publico como pa brokers y comerciante cu lo juda e usuario compronde mas over di e trabounan di Departamento di Aduana. E website nobo www.douane.aw a wordo diseña cu e meta pa ta “user friendly” “straight forward” y e ta compatibel cu diferente aparatonan manera computers, laptops, tablets, y smart phones.

Por añadi cu e website nobo di Departamento di Aduana ta duna e usuario acceso na tur e leynan y formularionan di douane como tambe na e sistema di Asycuda via di e login Asycuda.

E website nobo di Departamento di Aduana ta nifika cu e usuarionan, clientenan y partners di DAA por beneficia di un contenido visualmente mas atractivo, informacion up-to-date y structura unda ta splika diferente themanan cu ta straight-to-the point. Mediante e website nobo douane lo sigui informa pueblo over di e ultimo acontecimentonan relaciona cu Departamento di Aduana.

Departamento di Aduana ta invita un y tur pa bishita e website nobo riba www.douane.aw.

Alabes nos ta encurasha publico pa sigui communica cu Departamento di Aduana via e forma digital mediante e contact formulier riba e website y nos emailadres info@douane.aw.