Director di Departamento di Aduana, sr. Roderick Croes, den compania di Minister di Finansas, sr. Angel Bermudez, Management Team y empleadonan ta introduci sra. Marilyn Wout oficialmente como e relacionista publico di Departamento di Aduana.

Sr. Croes ta relata cu den cuadro di innovacion y comunicacion como e elementonan principal pa un organisacion por sigui avanza ta mas cu necesario pa tin un bon comunicacion interno y externo.

Den cuadro di mehora e comunicacion y relacionan externo y tambe pa streamline tur contacto cu prensa a apunta Marilyn Wout como e relacionista publico di douane. Na mesun momento ta informa tur medio di prensa cu Marilyn ta e unico persona ademas di e director y/of otro persona apunta pa e director cu ta autoriza pa communica cu tur media tocante topiconan di desaroyonan tanto interno como externo na nomber di Departamento di Aduana.

Sra. Marilyn Wout ta fungi pa algun tempo caba como Management Assistant, ta carga diferente tareanan y ta envolvi den diferente projectonan den e area di comunicacion. E tarea principal di Marilyn ta asisti e director pero tambe pa zorg pa e comunicacion interno y externo sosode riba un manera completo, transparente, structura y frequente usando diferente medionan di comunicacion.

Un bon comunicacion ta start internamente den organisacion y ta expande su mes na su clientenan, partners y demas stakeholders.