Placa y papelnan di balor

Den caso cu un persona ta biaha for di Aruba of ta yega Aruba (bek) e tin di declara cu e ta biahando cu un suma di 20.000 FL of mas na placa of papelnan di balor. E melding aki ta wordo haci na e loker di Departamento di Aduana na aeropuerto mediante un formulario di MOT. Departamento di Aduana ta pidi tur biahero pa has melding di e placa via un formulario di MOT hasta si e no ta e doño di e placa of documentonan di balor. Si un persona transporta placa of documentonan na un balor di mas cu 20.000 florin y no hasi un melding of hasi un melding incorrecto por riesga un castigo di prison y un boet, banda di esaki Departamento di Aduana lo pone beslag riba e suma aki.

Departamento di Aduana ta spera cu tur persona preparando pa biaha den e temporada di vakantie por tene cuenta cu e informacion aki pa asina por goza di un vakantie sin preocupacion. Y e yegada na Aruba na territorio Aduanero por bai mas “smooth” posibel sin ningun inconveniencia.

De caso cu tin cualkier pregunta encuanto e trabounan di Aduana of rekisitonan cu tin di haber na momento di Sali for di Aruba manera e rekisitonan na momento di jega Aruba back por bishita nos website www.douane.aw of por tuma contacto via nos emailadres: info@douane.aw of jama nos na telefon 523-8888.