Departamento di Aduana ta sigui modernisa y digitalisa su procesonan y su servicio na pueblo. Como parti di esaki, ta informa cu entrante dialuna 30 di september 2024 tur peticion pa permiso pa organisa un car show lo sosode digital via nos website.
Simplemente, car dealers ta click riba e website di Aduana https://www.douane.aw/vergunningsprocedure-carshow/ y haci un peticion door di yena e aanvraagformulier y excelsheet.
Pa obtene un permiso pa organisa un car show mester tene na cuenta lo siguiente:
- E peticion mester wordo manda dentro di 5 dia di trabou.
- Ta importante pa inclui informacion completo di tur vehiculo manera e marca, model, aña di fabricacion, color, number di VIN y e documento di archivo. Informacion incompleto of incorecto lo conduci na rechaso di e peticion y consecuentemente mester haci un peticion nobo.
Departamento di Aduana pidi tur car dealer pa tuma bon nota di e informacion comparti.
Pa mas informacion of pregunta por tuma contacto cu Aduana na 523-8888 of manda un email na info@douane.aw
