Departamento di Aduana conhuntamente cu gobierno di Aruba ta informa pueblo en general encuanto e aumento di e tarifa di Aduana riba e impuesto di importacion y di consumo (accijns) riba bebida sterk, biña y tabaco. Esaki ta pa pueblo por ta bon na altura cuanto e aumento en realidad ta pa na momento di cumpra e productonan aki y por hasi un escogencia conciente a base di prijsnan realista. Bebidanan fuerte y tabaco tin di haber cu un subida di e tarifa di accijns y den e caso di biña tin un subida di e tarifa di impuesto di importacion.

Aumento di accijns riba bebida alcoholico sterk (gedistilleerde dranken)

Bebida sterki a haya un aumento di tarifa solamente riba e accijns (impuesto di consumo):

Antes Prijs pa hectoliter	Desde 1 januari 2019 prijs pa hectoliter	Aumento den florin	Aumento den %
Afl. 1.844,00	AWG. 2.653,00	AWG. 809,00	44%

Aumento di accijns pa botter di bebida alcoholico fuerte cu ta contene menos cu 2 liter ta wordo considera cu tin un percentahe di alcohol di 60%, e aumento ta como lo siguiente:

Volumen den lliter	Tarifa di accijns bieu	Tarifa di accijns nobo	Aumento di accijns
1	Awg 22.10	Awg 31.85	Awg 9.75
0.7	Awg 14.75	Awg 21.20	Awg 6.45
0.75	Awg 16.60	Awg 23.90	Awg 7.30

* Pa un botter di bebida alcoholico fuerte manera ilustra den e tabel akiriba por ehempel: Whiskey, Rum, Vodka, Gin, Jenever, Cognac, Brandy, Tequila. Tambe Likeur por ehempel: Ponche Crema, Bailey’s, Kahlua, Amaretto, Sambuca.

Pa bebidanan sterki den botter di 2 liter of mas, cu excepción di likeur, cu ta wordo considera di ta contene un percentahe di alcohol di 60%, aunke cu e ta den botter di 2 liter of mas, Aduana lo tuma e porcentahe real pa hasi e calculacion di e impuesto di importacion y di consumo.

Volumen den liter	% di alcohol	Tarifa di accijns bieu	Tarifa di accijns nobo		Aumento di accijns
2	40%	Awg 29.50	Awg 42.45	Awg 12.95
2	43%	Awg 33.20	Awg 47.75	Awg 14.55

 Aumento di impuesto di importacion riba biña

Pa loke ta trata e aumento di e impuesto di importacion (invoerrechten) riba biña e la aumenta cu Afl. 33,00 pa hectoliter. E tarifa bieu tabata Afl. 400,00 y e tarifa nobo ta Afl. 433,00., esaki ta representa un aumento di solamente 8.25%.

Volumen den liter	Tarifa bieu di Impuesto di importacion	Tarifa nobo di impuesto di importacion*	Aumento di Impuesto di importacion
1	AwG 4, –	Awg 4,33	Awg 0,33
0.7	Awg 2,8	Awg 3,05	Awg 0,25
0.75	Awg 3, –	Awg 3,25	Awg 0,25

* Pa un botter di biña manera ilustra den e tabel akiriba por ehempel: White Zinfandell, Moscato (pink, red), Cabernet Sauvigno, Sangria, etc.

Aumento di impuesto pa bebidanan fermenta y/of mescla cu bebidanan (no) alcoholico

Otro bebidanan fermenta manera bebidanan traha di appel, peer y honing tambe lo conoce un aumento riba e tarifa di derecho di importacion y lo subi di Afl. 100,00 pa hectoliter pa Afl. 433,00 pa hectoliter.

Volumen den liter	Tarifa bieu di Impuesto di importacion	Tarifa nobo di impuesto di importacion*	Aumento di Impuesto di importacion
1	Awg 1,-	Awg 4,35	Awg 3,35
0.7	Awg 0,70	Awg 3,05	Awg 2,35
0.75	Awg 0,75	Awg 3,25	Awg 2,50

Bebidanan Cider tin un aumento di impuesto di importacion di Afl. 150,00 pa hectoliter te Afl. 433,00 pa hectoliter.

Volumen den liter	Tarifa bieu di Impuesto di importacion	Tarifa nobo di impuesto di importacion*	Aumento di Impuesto di importacion
1	Awg 1,50	Awg 4,35	Awg 2,85
0.7	Awg 1,05	Awg 3,05	Awg 2,00
0.75	Awg 1,10	Awg 3,25	Awg 2,15

Cu e informacion aki Departamento di Aduana Aruba ta informa pueblo pa sea conciente di e aumento di e prijsnan na momento di cumpra bebida alcoholico.

Den caso cu ta desea di lesa mas over di e cambio den e ordenanza “Accijns op Gedestilleerd” por lesa esaki riba e website di Departamento di Aduana Aruba: www.douane.aw bou di e link den e tab documenten wijziging tarief op accijns per 1 januari ’19, tambe por tuma contacto via e emailadres info@douane.aw pa mas informacion.