Diabierna ultimo director di Departamento di Aduana, sr. Roderick Croes, conhuntamente cu Minister di Finansas, Economia y Cultura sra.mr Xiomara Ruiz-Maduro y Hoofd di Opleiding sr. Nic Quandus a hasi entrega di e certificado na tur 10 cursista di e opleiding.
E ceremonia a tuma lugar den e aula di Universidad di Aruba, den compania di miembronan di Management Team, cursistanan y nan ser keri, sra. Patricia Flanders-Illes Secretaria di e opleiding, sr. Paul Vandormael Coordinador di e opleidingen na DAA y docentenan.
Durante discursonan di tanto sr. Croes como di sr. Quandus a enfatisa riba e importancia di e Verificateursopleiding pa e organisacion di Aduana. Cursistanan cu termina e opleiding cu éxito lo funciona como specialista y lo hiba e organisacion riba e “next level”.
Minister di Finansas, Economia y Cultura, sra. Mr. Ruiz-Maduro a felicita y elogia tur 10 cursista cu a cuminsa e opleiding y awor ta terminando nan verdiepingsdeel 1. Sra. Ruiz-Maduro a enfoca tambe riba e esfuerso y sacrificio cu cada cursista a hasi pa por termina e
fase aki cu exito y a duna nan palabra di motivacion pa nan por termina cu e opleiding aki 6 luna.
Departamento di Aduana ta gradici y felicita cada un di e cursistanan y ta deseanan hopi exito den e Verdiepingdsdeel 2 di e Verificateursopleiding.
Pabien ta bai na: sr. Edgard Croes, sra. Anna Cristina Croes-Gonzalez, sra. Sharina van der Biezen-Hernandez, sra. Angeli Nuboer, sra. Mildred Franken-Peña, sra. Deyanira Ras, sra. Eliane Riley, sra. Ivette Semerel, sr. Enrico Soto y sra. Marilyn Webb.
Un danki ta bai na Director di Aduana, Minister di Finansas, Universidad di Aruba, Hoofd, Secretaris, Adviseur, Coordinador y Docentenanan di e Verficateursopleiding tanto na Aruba y BCKC. Un gradicimento inmenso ta bai na tur Cursistanan y nan famianan pa tur nan esfuersonan y sosten. Tambe na e afdeling Algemene Zaken y demas empleadonan cu a duna un nan aporte pa cu e curso aki.
Gerencia, staf y empleadonan di Departamento di Aduana ta desea tur cursistanan hopi exito den e Verdiepingdsdeel 2 y ta spera ancioso riba nan regreso.
